ڤان خال بارسێلۆنا بە باشترین نازانێت و یانەیەکی دیکە دەستنیشاندەکات
رووداو – هه‌ولێر
له هه‌ڤپه‌یڤینێكی درێژدا لویس ڤان خالی راهێنه‌ری هۆڵه‌ندی گوتی، بارسێلۆنا باشترین تیپی جیهان نییه.
ڤان خال كه پێشتر مه‌شقی به چه‌ندین یانه‌ی گه‌وره‌ی ئه‌وروپا كردووه، یه‌كێكیش له‌وانه بارسێلۆنایه.
ئه‌و گوتی: "مانچێسته‌ر سیتی ئێستا باشترین تیپه له جیهاندا، راهێنه‌رێكی نایابیان هه‌یه و له‌سه‌ر ئاستی هه‌موو تیپه‌كانی ئه‌وروپادا باشترین یاری پێشكه‌ش ده‌كه‌ن.
ڤان خال ده‌ڵێت: هه‌ندێك پێیانوایه بارسێلۆنا باشترین تیپی جیهانه، به‌ڵام ئه‌مه راست نییه.
لویس ڤان خالی هۆڵه‌ندی، پێشتر له 1997 تاوه‌كو 2000 و دواتریش له 2002-2003 راهێنه‌ری یانه‌ی بارسێلۆنا بووه و له‌گه‌ڵیدا چه‌ند نازناوێكی بردووه‌ته‌وه، ئه‌مه جگه له‌وه‌ی مه‌شقی به یانه‌كانی ئه‌یاكس، بایرن میونشن، مانچێسته‌ر یونایتد و ئه‌لكمار داوه.