تریم وازی لە راهێنەرایەتی هەڵبژاردەی تورکیا هێنا
رووداو - سلێمانی
یەکێتی تۆپی پێی تورکیا لە راگەیێندراوێکدا بڵاویکردەوە، فاتیح تریمی راهێنەری هەڵبژاردەی تورکیا وازی لە پۆستەکەی هێنا.
بەر لە دوو هەفتە فاتیح تریم راهێنەری پێشووی یانەکانی فیۆرێنتینا، میلان و گاڵاتەسەرای و ئێستای هەڵبژاردەی تورکیا لە یەکێک لە چێشتخانەکانی ئەو وڵاتە خۆی و پێنج کەس لە هاوڕێکانی لەگەڵ خاوەن چێشتخانەکە دەبێتە شەڕییان و بەو هۆیەوە پێنج کەس برینداردەبن و دواتر گرتە ڤیدیۆیەکانی شەڕەکە لە تۆڕەکۆمەڵایەتییەکان و راگەیاندنەکان بڵاوبوونەوە.
یەکێتی تۆپی پێی تورکیا لە راگەیێندراوەکەیدا نووسیویەتی، هەرچەندە ئاژاوەکە هیچ پەیوەندیێکی بە تۆپی پێوە نییە، بەڵام کارەکەی تریم خۆی و ئێمەی نیگەرانکرد و دوای دانیشتن لەگەڵ یەکدی، بڕیارماندا لێکجاببینەوەو تریم وازی لە پۆستەکەی هێنا.