سێلتاڤیگۆ سەرکەوتنێکی گەورەی تۆمارکرد
لە دەستپێكی یارییەكانی گەڕی نۆیەمی لالیگا و پێش بەڕێوەچوونی كلاسیكۆ، شەوی رابردوو یانەی سێلتاڤیگۆ سەركەوتنێكی گەورەی لەسەر یاریگەی خۆیدا تۆماركرد و بە ئەنجامی 3-0 گۆڵ لە یانەی لیڤانتیی بردەوە.
یانەی سێلتاڤیگۆ بە ئاستێكی بەرز دەركەوت و لە گێمی یەكەمدا بە گۆڵێكی خواكین لاریفی بە گۆڵێك پێشكەوت.
پاشان لە گێمی دووەمدا دوو گۆڵی دیكەیان تۆماركرد، لە خولەكی 83 لاریفی گۆڵی دووەمی خۆی و یانەكەی تۆماركرد و پاشان لە خولەكی 90دا ئەلیكس لۆپێز گۆڵی سێیەمی بۆ سێلتاڤیگۆ تۆماركرد و سەركەوتنی بۆ تیپەكەی مسۆگەركرد.
سێلتاڤیگۆ بەم سەركەوتنە بە 16 خاڵ هاتە پلەی شەشەمی ریزبەندی، لیڤانییش 5 خاڵی هەیە و لە پلەی پێشكۆتاییە.