ڤاران بە پەیامێک وازهێنانی یەکجاریی لە یارییکردن رادەگەیێنێت

 

 

ڤاران لە پەیامێکدا دەڵێت "لە ژیانی پیشەگەری خۆمدا چەندین ئاڵنگاریم تاقیکردووەتەوە، هەنگاو بە هەنگاو چوومەتە پێشەوە، کە نزیکەی هەمووی بڕیار بوو مەحاڵ بێت، هەست و سۆزی باوەڕپێنەکرا و سات و بیرەوەری تایبەتم بەجێدەهێڵم و واز لەو یارییە دەهێنم کە هەموومان خۆشمان دەوێت."

 

بەرگریکارە فەرەنسییەکە زیاتر گوتی "دەمویست لە بەرزترین ئاستدا یاری بکەم، نەک تەنیا یاری بکەم، هەمیشە ویستوومە کاری جیاواز بکەم، لەپێناو خۆمدا تێکۆشام، لەگەڵ یانەکان و هەڵبژاردەکەم، هاوڕێکانم لە تیپەکە، و هەموو ئەوانەی پێکەوە بووین و یاریمکردووە، لە لانسەوە بۆ ریال مەدرید، لەوێشەوە بۆ مانچێستەر یونایتد و پاشان یارییکردن لە بەرژەوەندی هەڵبژاردەی نیشتمانی، هەموو دروشمەکان پاڵنەرم بوون بۆ ئەوەی بەهێزەوە یاری بکەم و هەموو خولەکێکی کاروانەکەمم خۆشبوێت."

 

رافا دەڵێت "لە هیچ شتێک پەشیمان نیم، هیچ شتێک نەگۆڕاوە، من زیاتر لەوەم بەدەستهێنا کە خەونم پێوە دەبینی، شانازی بە هەموو شتێکەوە دەکەم، پابەندم بە بنەماکانی دڵسۆزی خۆم و هەوڵمداوە باشتر لەوەی هەم هەموو شوێنێک بەجێبهێڵم و هیوادارم هەمووتان شانازیم پێوە بکەن."

 

بەرگریکاری پێشووی ریال مەدرید نووسیوویەتی "بەمشێوەیە ژیانێکی نوێ لە دەرەوەی یاریگەکان دەستپێدەکەم، من لەگەڵ کۆمۆ دەمێنمەوە، بەڵام بەبێ بەکارهێنانی پێڵاوەکانم، شتێک دەکەم کە چاوەڕێم بەمزووانە زیاتر باسی بکەم."

 

لە کۆتایی پەیامەکەیدا رافایێل ڤاران، سوپاسی لایەنگرانی هەموو ئەو تیپانە دەکات کە یاریی بۆ کردوون و دەڵێت "لە دڵەوە سوپاس بۆ هاوڕێکانم لە تیپەکان و راهێنەران و هەموو ستافەکان، سوپاس بۆ ئەوەی گەشتەکەمتان تایبەتتر کرد و باشتر کرد لەوەی خەونم پێیەوە دەبینی.

 

رافایێل ڤاران تەمەنی 31 ساڵە، لە گواستنەوەی هاوینەدا پەیوەندیی بە یانەی کۆمۆی ئیتاڵییەوە کرد، بەڵام بڕیارییدا بەیەکجاری واز لە یارییکردن بهێنێت.