سوپرایزی ریال مەدرید و بەردەوامی ئیبراهیمۆڤیچ

 

 

لیاو دوای بردنەوەی نازناوی سێریا ئەی لەگەڵ میلان، بەباشترین یاریزانی خولی ئیتاڵیا دەستنیشانکراو، رۆژنامەی لاگازێتا دێللۆ سپۆرتی ئیتاڵی دەڵێت " ریال مەدرید دەستەوارەیەکی بە 120 ملیۆن یۆرۆ ئامادەکردووە، بۆ ئەوەی پێشکێشی ئەو یاریزانەی بکات، کە مەرجی هەڵوەشاندنەوەی گرێبەستەکەی 150 ملیۆن یۆرۆیە."

 

لیاو گرێبەستەکەی لەگەڵ میلان لە 2024 کۆتاییدێت و یانەکە دەیەوێت گرێبەستەکەی تاوەکو 2026 درێژبکاتەوە و مووچەکەشی بۆ 5 ملیۆن یۆرۆ بەرزبکاتەوە.

 

لەلایەکی دیکەوە زلاتان ئیبراهیمۆڤیچ، ئەستێرەی سوێدی و یانەی ئەیسی میلان دەیەوێت وەرزی داهاتووش لە یارییکردن بەردەوامبێت و واز لە یارییکردن ناهێنێت.

 

رۆژنامەی کۆریێری دێلۆ سپۆرتی ئیتاڵی دەڵێت " ئیبراهیمۆڤیچ خۆی بەدەستەوە نادات، یاریزانەکە لەم هەفتەیەدا نەشتەرگەرییەکی بۆ دەکرێت، بۆ ئەوەی کێشەکانی ئەژنۆی بەتەواوی چارەسەرببن، دوای ئەوەش دەگەڕێتەوە نێو یاریگەکان و وەرزی داهاتووش بەردەوامدەبێت، لە بەرامبەر ئەوەدا یاریزانەکە 2.5 ملیۆن یۆرۆ مووچەی پێدەدرێت و چەند پاداشتێکیش وەردەگرێت."

 

ئیبراهیمۆڤیچ ئێستا 40 ساڵە و 5 مانگ و 9 رۆژی دیکە تەمەنی دەبێتە 41 ساڵ.