بۆکسینگ دەی ،ماندوو بوونی تیمەکان و چێژبەخشین بە بینەر
ھــەکاری قانع
بۆکسینگ دەی بۆنەیەکی بەڕیتانیە کە ماوەیەکی درێژە پەیڕەو دەکرێت و خەڵکانی بەڕیتانیا لە ماوەی ئەو چەند ڕۆژە لە جیاتی پشوو زیاتر ماندوو ئەبن .
ئەم بۆنەیه لە ژیانی ڕۆژانەوە گواسترایەوە بۆ تۆپی پێی بەڕیتانیا و ئینگلتەرا بە تایبەتی
بۆکسینگ دەی کە لە شەوی 25 لەسەر 26 دیسەمبەری ھەموو ساڵێ دەستپێده‌كات و 10 ڕۆژ بەردەوام ده‌بێت .
یانەکانی ئینگلتەڕا لەو ماوەیەدا زۆرترین یاری ئەنجام ئەدەن ، بۆ نمونە لەمساڵدا یانەیەکی وەکوو لیڤەرپوول لە ماوەی 7 ڕۆژدا سێ یاری ئەنجام ده‌دات ئارسیناڵ كە لە ماوەی 9 ڕۆژدا 3 یاری و مانچستەر سێتی و مانچسێتەر یونایتد لە ماوەی 8 ڕۆژدا سێ یاری ئەنجام ئەدەن ،ئەمەش یاریزان تووشی ماندوو بوون و پێکانی مەترسیدار ده‌كات.
بۆکسینگ دەی پێمان ده‌ڵێت کە ژمارەی پێکانەکان لەو 10 ڕۆژەدا زیاترە لە ژمارەی پێکانەکان لە 40 ڕۆژدا لە مانگەکانی تر، لەو کاتەدا کە خولەکانی تر لە پشوودان و ئاھەنگی کریسمیس و سەری ساڵ ئەگێڕن یاریزانەکانی پرێمەرلیگ چێژ بە بینەر دەبەخشن و دیاری سەری ساڵ دەبەخشنەوە بە ھەوادارانی تۆپی پێ.