ڤیدیۆ؛ تێڤێز: پێڵاوەکانی سەماکردن دادەنێین و پێڵاوی راکردن لەپێ دەکەین

 

کارلۆس تێڤێز، دوای ناساندنی لەلایەن یانەکەیەوە، لە کۆنگرەیەکی رۆژنامەڤانیدا، قسەی بۆ میدیاکان کرد و دووپاتیکردەوە کە ئامادەیە رۆژانە 24 کاژێر بەسەریەکەوە کاربکات لەپێناو رزگارکردنی ئیندیپێندێنتی.

 

 

پێموانییە ئیندیپێندێنت زەبەلاحێکی خەوتووە، لەخەو هەڵیدەستێنین، شتێکی ورووژێنەر دەبێت، ئەوە هەنگاوی یەکەمە و دەمانەوێت دەستپێبکەین، دەزانم بەرەو کوێ دەڕۆم، 13 یاریی کۆتاییمان لەپێشە و پێموایە کاری سەرەکیمان ئەوەیە کە دەبێت پێڵاوەکانی سەماکردن دابنێین و پێڵاوی راکردن لەپێ بکەین، بۆ ئەوەی هەموو تواناکانمان بخەینەگەڕ و هەروەها جێپەنجەی خۆمان لەسەر یاریکردنی تۆپی پێی جێبهێڵین، کە ماوەیەکی زۆرە ئەو شتە نەکراوە. 

 

زۆرجار گوتوومە لۆگۆی یانەکە لەپێش هەموو شتێکەوەیە و ناوی یاریزانەکان دوای ئەوە دێت، من بۆ گۆڕینی دۆخەکە هاتوومەتە ئێرە و بۆ ئەوە رۆحی خۆم دەبەخشم، رۆژانە 24 کاژێر و حەوت رۆژا لە هەفتەیەکدا لەوێ دەبم لەپێناو ئیندیپێندێنتی، چونکە ئەو ئەرکەکەی پێڕاسپاردم، متمانەی پێکردم، من هاتوومەتە ئێرە بۆ ئەوەی رۆحم پێشکێسی ئیندیپێندێنت بکەم.