ڤیدیۆ؛ سێڤییا بەردەوامە لە لەدەستدانی خاڵ

 

یارییەکە لەسەر یاریگە رامۆن سانچێز پێزخوان لە سێڤییا بەڕێوەچوو، کە لە خولەکی 37ـدا فرانکۆ سێرڤی تیپی میوانی بە گۆڵێک پێشخست.

 

ئیاگۆ ئاسپاس تەنیا 3 خولەکی دیکەی پێویست بوو بۆ ئەوەی گۆڵی دووەمیش بۆ سێلتا ڤیگۆ تۆماربکات.

 

لە نیوەی دووەمدا یاریزانانی سێڤییا رووی راستەقینەیان دەرخست و دوای هەوڵێکی زۆر لە خولەکی 71 ئەلیخاندرۆ گۆمێز گۆڵی یەکەمی بۆ تیپەکەی لۆپیتیگێ تۆمارکرد.

 

بەهەمان سیناریۆی سێلتاڤیگۆ لە نیوەی یەکەمدا، ئپلیڤێ تۆرێسیش تەنیا 3 خولەکی پێویست بوو بۆ ئەوەی گۆڵی دووەم و یەکسانبوون بۆ سێڤییا تۆماربکات و ئەنجامی یارییەکە 2-2 کۆتاییهات.

 

سێڤییا بە 46 خاڵ هەر لە پلەی دووەمی ریزبەندیی مایەوە، سێلتاڤیگۆش بووە خاوەنی 27 خاڵ لە پلەی یانزدەم.