گواردیۆلا داوای باشترین یۆرۆی 2016 دەکات
رووداو - هەولێر
پێپ گواردیۆلا، بەڕێوەبەری هونەری یانەی مانچێستەر سیتی ئینگلیزی گرنگی بەتواناکانی روی پاتریسیۆی گۆڵپارێزی هەڵبژاردەی پۆرتوگال دەدات و دەیەوێت ئەو گۆڵپارێزە بباتە ریزەکانی یانەکەی.
دوای ئەو ئاستە بەرزەی پاتریسیۆ لە یۆرۆی 2016 پێشکەشیکرد و نازناوی پاڵەوانێتییەکەی لەگەڵ پۆرتوگال بردەوە بووەتە ئامانجی چەند یانەیەک و یانەی ئێڤەرتۆنیش داوای ئەو گۆڵپارێزە دەکات.
رۆژنامەی میرۆری بەریتانی رایگەیاندووە، گواردیۆلا بڕوای بەتواناکانی جۆ هارت نییە و دەیەوێت کلاودیۆ براڤۆ یان پاتریسیۆ بکاتە جێگرەوەی ئەو گۆڵپارێزە.
سەرچاوەکە ئاماژەی بۆ ئەوەکردووە کە گواستنەوەی روی پاتریسیۆ لە گواستنەوەی براڤۆ ئاسانترە و سیتی ئامادەیە 7 ملیۆن یۆرۆ بداتە سپۆرتینگ لیسبۆنە، لە کاتێکدا یانە پۆرتوگالییەکە داوای 10 ملیۆن یۆرۆ دەکات.