ئامەدسپۆر پلەی یەکەمی خولی پلە دووی تورکیای بردەوە

 

 

ئامەدسپۆر لە رکابەرییەکانی خولەکەدا و لە گەڕی 18، لە یاریگەی خۆیدا بەرامبەر یانەی مەنەمەن سپۆر یارییکرد و بە دوو گۆڵ بەرامبەر گۆڵێک یارییەکەی بردەوە.

 

لە یارییەکەدا کە لە ئامەد بەڕێوەچوو، هەزاران هاندەری یانەکەی باکووری کوردستان ئامادەبوون و پاڵپشتیی یانەکەیان کرد.

 

لە نیوەی یەکەمی یارییەکەدا ئامەدسپۆر هەر زوو گۆڵێکی تۆمارکرد و ئەو نیوەی لە بەرژەوەندی خۆی یەکلاکردەوە.

 

لە نیوەی دووەمدا رکابەریی هەردوو یانە بەهێزتر و زیاتربوو، یانەی میوان لە خولەکی 56 ئەنجامەکەی یەکسانکردەوە، بەڵام زۆری نەبرد ئامەدسپۆر گۆڵی دووەمی تۆمارکرد و یارییەکە بەو ئەنجامە بە دوو گۆڵ بەرامبەر گۆڵێک لە بەرژەوەندی یانەکەی باکووری کوردستان کۆتاییهات و سێ خاڵی گرنگی بەدەستهێنا.

 

دوای بردنەوەی ئەم یارییە یانەی ئامەدسپۆر ژمارەی خاڵەکانی لە خولەکەدا بۆ 34 خاڵ بەرزکردەوە و پلەی یەکەمی ریزبەندی خولەکەی مسۆگەرکرد، بەمەش یانەکە گەیشتە خولی پلە یەکی تورکیا.

 

ئامەدسپۆر لە خولەکەدا تاوەکو ئێستا 18 یاریی ئەنجامداوە، 9 یاریی بردووەتەوە، لە 7 یارییدا یەکسانبووە و تەنیا 2 یاریی دۆڕاندووە.