مۆرینیۆ رەخنە لە یانەکانی پرێمەرلیگ دەگرێت
رووداو- هەولێر
خۆزێ مۆرینیۆی پۆرتوگالی و بەڕێوەبەری هونەری یانەی مانچێستەر یونایتدی ئینگلیزی رەخنە لە شێوازی یارییکردنی یانەکانی پرێمەرلیگ دەگرێت و هۆکاری کەمی گۆڵ لە خولەکە ئاشکرا دەکات.
مۆرینیۆ بە ماڵپەری فەرمی یانەکەی راگەیاندووە، زۆربەی یانەکانی پرێمەرلیگ بە شێوازی بەرگری تووند یاریی دەکەن، زۆربەیان بە پێنج یاریزان لە هێڵی بەرگری و هاوکات دوو یاخود سێ یاریزانی ناوەڕاست یارییدەکەن، ئەمەش هۆکارێکی گرنگە بۆ ئەوەی ژمارەی گۆڵ لە یارییەکان کەم بێت.
مۆرینیۆ دەڵێت" پێویستە یانەکان واز لەو شێوازە کۆنە یارییکردنە بهێنێن، تەنیا لە کاتی پێویست پەیڕەوی بکەن، بۆئەوەی چێژی یارییەکان زیاتر بێت.
لێدوانەکەی مۆرینیۆ لە دوای یاریی دێربی لەندەن بوو کە لەنێوان یانەی ئارسیناڵ و چێڵسی بەڕێوەچوو و بە بێ گۆڵ کۆتاییهات.