رۆجێر فێدێرێر دۆڕا
رووداو - هەولێر
لە پاڵەوانێتی تێنسی سینسیناتی و لە ئەنجامێکی چاوەڕواننەکراودا، رۆجێر فێدێرێری تێنسزانی سوێسری لەسەر دەستی ئاندرێ روبلێڤی تێنسزانی رووسی کرایە دەرەوە.
لە قۆناخی سێیەمی پاڵەوانێتییەکەدا هەردوو تێنسزانەکە بەرامبەر یەکدی یارییان کرد و روبلێڤ بە ئاسانی و بە ئەنجامی دوو کۆمەڵەی بێوەڵام یارییەکەی بردەوە.
ئەنجامی هەردوو کۆمەڵەکەش شەش سێ و شەش چوار بوون و بەم بردنەوەیە روبلێڤ خۆی گەیاندە قۆناخی هەشتی پاڵەوانێتییەکە.