ڤیدیۆ؛ بایرن بە 5 گۆڵ بردییەوە و پلەی یەکەمی بەهێزترکرد

 

 

لە درێژەی یارییەکانی گەڕی 17ـی بوندێسلیگادا، بایرن میونشن میوانداریی هۆفێنهایمی کرد، دوای 6 خولەک لێرۆی سانێ، گۆڵی پێشکەوتنی بۆ باڤارییەکان تۆمارکرد.

 

دوای شەس خولەک لەو گۆڵە، رافایێل گێرێرۆ گۆڵی دووەمی تۆمارکرد.

 

لێدانێکی سزا هەژمارکرا، هاری کەین گۆڵی سێیەمی بایرنی تۆمارکرد، نیوەی یەکەم بە سێ گۆڵی بێبەرامبەر کۆتاییهات.

 

لە سەرەتای نیوەی دووەمدا، سانێ گۆڵی دووەمی خۆی و چوارەمی بایرن میونشنی تۆمارکرد.

 

لە خولەکی 66 سێرج نابری، بۆ جاری پێنجەم تۆڕی گۆڵی یانەی میوانی هەژاند، بایرن میونشن یارییەکەی بە پێنج گۆڵی بێبەرامبەر بردەوە.

 

باڤارییەکان بەم بردنەوەیە بوونە خاوەنی 42 خاڵ و لە پێشەنگی ریزبەندی خولەکەن، بە جیاوازیی چوار خاڵ لەگەڵ یانەی بایرلیڤەرکوزنی خاوەنی پلەی دووەم.