رالی پۆرتوگال
رووداو دیجیتاڵ
لە درێژەی پێشبڕکێکانی رالی پۆرتوگالدا، نیل سۆلانزی شۆفێری ئیسپانی خۆی گەیاندە پێشەنگی ریزبەندیی گشتی.
لە قۆناخی رۆژی شەممەدا، کە لە فافی و ڤیگیراس لە پۆرتوگال بەڕێوەچوو، نیل سۆلانز و یاریدەدەرەکەی مارک مارتی ئاستێکی بەرزیان پێشکێشکرد و خۆیان گەیاندە پێشەنگی ریزبەندیی گشتی.
دووانە ئیسپانییەکە بە جیاوازی تەنیا 44.4 چرکە لەپێش دووانەی ئیستۆنی، جۆرج لیناما و یاریدەدەرەکەی جەیمس مۆرجان هاتن، لە کاتێکدا هەردوو شۆفێری پۆرتوگالی، ئارمیندۆ ئاراوخۆ و یاریدەدەرەکەی لویس رامالیۆ پلەی سێیەمیان بەدەستهێنا.
رالی پۆرتوگال ساڵانە لەو وڵاتە دەکرێت و لە 20 قۆناخ پێکهاتووە، کە شۆفێرە بەنێوبانگەکان لە سەرانسەری جیهاندا بەشداری تێدا دەکەن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ