مارکا: ریال مەدرید گۆڵپارێزێکی گواستەوە یانەکەی
رووداو – هەولێر
یانەی ریال مەدرید یەکەم گرێبەستی زستانەی یەکلایی کردەوە و گۆڵپارێزێکی گواستەوە یانەکەی.
رۆژنامەی مارکای ئیسپانی بڵاویکردووەتەوە، یانەی ریال مەدرید یەکەم گرێبەستی زستانەی کۆتاییپێهێناوە گرێبەستی لەگەڵ کێپا ئارێزبالاگای گۆڵپارێزی لاوی یانەی ئاتلێتیک بلباو واژۆکردووە، پێشتریش رامۆس ئەم هەواڵەی بە یاریزانانی ریال مەدرید راگەیاندبوو.
مەرجی هەڵوەشاندنەوەی گرێبەستی کێپا 20 ملیۆن یۆرۆیە و لۆس گالاکتیکۆس ئەم بڕە پارەیەی بە ئاتلێتیک بلباو داوە، مووچەی ساڵانەی گۆڵپارێزە 23 ساڵییەکەش لە ریال مەدریددا دوو ملیۆن و نیو دەبێت لە ساڵێکدا.
کێپا لە هەفتەی یەکەمی گواستنەوەی زستانەی یاریزاناندا درێسی ریال دەپۆشێت و دەتوانێت لە خولی یانە پاڵەوانەکانی ئەوروپا بەشداربێت، چونکە لە یۆرۆپالیگدا لە هیچ یارییەکدا لەگەڵ ئاتلێتیک بلباو بەشدارینەکردووە.