سانچێز لە لایەن مارسیلیاوە بە میدیاکان ناسێنرا

 

یاریزانی چیلی بە گرێبەستێکی بێبەرامبەر پەیوەندی بە ریزەکانی یانە فەرەنسییەکەوە کردووە.

 

ئەلێکسیس سانچێز، پێشتر بۆ یانەکانی مانچێستەر یونایتد، ئارسیناڵ و بارسێلۆنا و هەروەها ئینتەرمیلان یاریی کردووە.

 

ئەوەی سانچێزی هاندا بچێتە مارسیلیا ئەوەبوو، کە ئەو یانەیە وەرزی رابردووی بە پلەی دووەمی ریزبەندی خولی فەرەنسا کۆتایی پێهێنا، کە بەو هۆیەوە بەشداری لە چامپیۆنزلیگی 2022-2023ـدا دەکات.

 

ئەو یاریزانە چیلییە، بڕیاریداوە بە درێسی ژمارە 70 لەگەڵ مارسیلیا یاری بکات، کە پێشووتر درێسی ژمارە 9 درێسی دڵخوازی ئەوبوو.