لێدوانی راهێنەران.. تێن و پێپ یاریی جامی قەڵخان زۆر بە گرنگ دەزانن
رووداو دیجیتاڵ
ئەمڕۆ کاژێر 17:00 بە کاتی باشووری کوردستان، هەردوو یانەی مانچێستەر یونایتد و مانچێستەر سیتی، یاریی جامی قەڵخانی ئینگلتەرا ئەنجام دەدەن، کە دەبێتە سەرەتای دەستپێکردنی وەرزی نوێی تۆپی پێ لە ئینگلتەرا.
راهێنەری هەردوو یانە، لە کۆنگرەی رۆژنامەڤانی بەر لە یارییەکەدا، قسەیان بۆ میدیاکارن کردووە، کە ئەمە پوختەی قسەکانی هەردووکیانە:
ئێریک تێن هاگ، راهێنەری مانچێستەر یونایتد:
لەبارەی دۆخی ئێستامانەوە ناچمە ناو وردەکارییەکانەوە لە رووی وەرگرتنی یاریزانان و ئەوەی کار لەسەری دەکەین، بێگومان ئێمە دەزانین چی دەکەین، پێموایە سەبارەت بە خۆمان ئێمە لە دۆخێکی باشداین، سەبارەت بە ئێوەش، تەنیا چاوەڕێ بن، ئارام بگرن و لە ساتێکی گونجاودا پێتان دەڵێین چی دەکەین.
ئێمە هەمیشە دەمانەوێت سەرکەوتن بەدەستبهێنین، هەروەها لە هەموو یارییە دۆستانەکاندا، جامی قەلخانمان هەیە، بۆیە تیپێکی زۆر رکابەری دەخەینە نێو یاریگا بۆ بردنەوەی ئەو جامە، و بێگومان ئەوە ئامانجێکی سروشتیی خۆمانە لەم یارییەدا.
پێپ گواردیۆلا، راهێنەری مانچێستەر سیتی:
ئەنجامدانی یاریی کۆتایی بەرامبەر مانچێستەر یونایتد زۆر گرنگە. بەڵام بەشێک لەوە هەوڵدانمانە بۆ باشترکردنی خۆمان. هەنگاو بە هەنگاو ماوەی پشوودان بۆ زۆربەی یاریزانەکان بەدەستدەهێنین. دەبینین بزانین یاریزانە لاوەکان لە یارییەکی باشدا چۆن هەڵسوکەوت دەکەن.
دەبێت بڕیار بدەم کە دەمەوێت چی لە ژیانمدا بکەم. ئایا دەمەوێت لێرە بەردەوام بم؟ ئایا دەمەوێت پشوویەک وەربگرم؟ ئایا دەمەوێت راهێنانی هەڵبژاردە نێودەوڵەتییەکان بکەم یان نا؟ زۆر شت هەیە. بەڵام بێگومان ئێستا من دوورم لەوانە، چونکە لێرەم. هەرکاتێک وەرز دەستپێدەکاتەوە، جارێکی دیکە وزەم بەرزدەبێتەوە. من زۆر بەپەرۆشم بۆ ئەم وەرزە، چونکە شتەکان دەبینم کە حەزم لێیە و دەیبینین. هەژەندەکی نوێیە بۆ ئەوەی بتوانین ریکۆردەکەمان بشکێنین کە وەرزی رابردوو شکاندمان. پێشتر هەرگیز ئەم تۆمارەمان نەبوو. ئێستا دەبینین ئاواتمان چییە و چاوەڕێی ئەوە دەکەین لە سەرەتادا هەموومان پێکەوە بین. سەرلەنوێ دەست پێدەکەینەوە و دەبینین. رۆژانە دەبینین چۆن کار دەکەین.