ڤیدیۆ؛ لە پێشبڕکێی لێهاتوویی پایسکیلسواریدا زێڕ بەر ئیسپانییەکان کەوت
رووداو دیجیتاڵ
لە پاڵەوانێتی جیهانی پایسکیلسواریدا، کە لە شاری گلاسکۆی سکۆتلەندی بەڕێوەچوو، هەڵبژاردەی ئیسپانیا میدالیای زێڕی لە پێشبڕکێی لێهاتوویی پایسکیلسواری بۆ تیپە تێکەڵەکان بەدەستهێنا.
لەو پێشبڕکێیەدا، کە زۆر سەرنجڕاکێشە و زۆرترین هاندەری هەیە، ئیسپانییەکان نماییشێکی سەرسوڕهێنەریان پێشکێش کرد و بە شایستەیی و بە ئاسانی یەکەم بوون.
هەڵبژاردەی ئیسپانیا 810 خاڵی بەدەستهێنا، ئەمەش یارمەتیدەر بوو بۆ بەدەستهێنانی میدالیای زێڕ، کە زۆر لە پێش هەڵبژاردەی فەرەنسای دووەمەوە بوو، کە 680 خاڵیان بەدەستهێنا.
پلەی سێیەم و میدالیای برۆنزیش بەر هەڵبژاردەی بەریتانیا کەوت، دوای ئەوەی توانی 600 خاڵ کۆنکاتەوە.