ئینتەر میلان گەڕایەوە سەر رێچکەی سەرکەوتنەکان
رووداو – هەولێر
یانەی ئینتەر میلان گەڕایەوە سەر رێچکەی سەرکەوتنەکان و شکستی بە یانەی سپال هێنا.
لە گەڕی 7ـی خولی ئیتاڵیا، لە جۆزێپی میازا ئینتەر میلان پێشوازی لە سپال کرد و یارییەکەشی بە ئەنجامی دوو گۆڵی بێوەڵام لێبردەوە.
گێمی یەکەمی یارییەکە بەبێ گۆڵ کۆتاییهات، لە گێمی دووەمیشدا و لە خولەکی 68 ماتیۆ پۆلیتانۆ گۆڵی یەکەمی بۆ نێرازۆری تۆمارکرد، دواتر لە خولەکی 77دا رۆبرتۆ گالیاردینی گۆڵی دووەم و بردنەوەی ئینتەر میلانی تۆمارکرد.
ئینتەر بەم بردنەوەیە خاڵەکانی کردە 50 خاڵ و لە پلەی چوارەمدا مایەوە، سپالیش 23 خاڵی هەیە و لە پلەی 16یە.