ڤیدیۆ؛ سۆلبێرگی کوڕ یەکەمی رالی ئەسکەندەناڤیا بوو

 

سوێدییە تەمەن 21 ساڵەکە لە سەرەتاوە تا کۆتایی باڵادەستبوو بەسەر رکابەرانیدا و لە کۆی 16 قۆناخدا 10 قۆناخی بردەوە، لەنێویاندا پێنج لە شەش قۆناخی ڤارملاند لە سوێد بە پلەی یەکەم تەواوکرد.

 

سۆلبێرگ بە کۆی گشتی کاژێرێک و بیست و نۆ خولەک و سی و شەش چرکە و یەک لەسەر دەی چرکەیەک لە پێشبڕکێیەکەدا سەرکەوتنی بەدەستهێنا و بە بیست و دوو چرکە و پێنج لەسەر دەی چرکە لە پێش رکابەر نیوزلەندییەکەی، هایدۆن بادۆن هات، کە پلەی دووەمی بەدەستهێنا. پلەی سێیەمیش بووە بەشی لاتڤیایی مارتینز سیسکیس و پلەی چوارەمیش بۆ شۆفێری رووسی، نیکۆلای ئینستینکتڤلی مایەوە.

 

پادۆنی شۆفێری نیوزلەندی، بەهۆی پلەی دووەمی لە رالی ئەسکەندەناڤیا، پێشەنگی خۆی لە ریزبەندی گشتییدا بەهێزترکرد و بە سی و چوار خاڵ لە پێش لاتڤیایی مارتینز سیسکیس پلەی دووەمەوەیە و شەست و دوو خاڵیش لە پێش مادز ئۆستبێرگی نەرویجییە، کە پلەی سێیەمی گرتوو.

 

قۆناخی شەشەمی پاڵەوانێتی رالی ئەوروپا، رالی رۆما، لە 29ـی تەمموز دەستپێدەکات.