بەرامبەر ریال سێلتاڤیگۆ بیر لە یادەوەرییەکانی 2006 دەکاتەوە
رووداونێت
یانەی سێلتاڤیگۆ کە ئەمشەو دەچێتە یاریگەی سانتیاگۆ بێرنابیۆ خۆزگە بە دووبارەکردنەوەی یادەوەرییەکانی ساڵی 2006 دەخوازێت کە ئەوە دوا یاری بوو ئەو یانەیە تێیدا سەرکەوتن بەسەر یانە مەدریدییەکەدا بەدەست بێنێت.
ریال مەدرید میوانداری سێلتاڤیگۆ دەکات و چاوی لە درێژەدانە بە زنجیرەی سەرکەوتنە یەک لە دوای یەکەکانی لە خولی ئیسپانیادا کە تا ئێستا ژمارەیان گەیشتووەتە 10بردنەوە.
لە یارییەکەدا ئیسکۆ ئالارکۆنی یاریزانی ناوەڕاستی ریال مەدرید یاری ناکات بەهۆی وەرگرتنی کارتی سوور لە یاری رابردوو یانەکە بەرامبەر مالەگە.
لای خۆیەوە ئاتلێتیکۆ مەدرید دەبێتە میوانی ئیلچ و یانەی خاوەن یاریگە دوای گەڕانەوە بۆ ریزی پلە یەکی ئیسپانیا لە وەرزی رابردوودا لە هەردوو یانەی چوون و هاتن بەرامبەر پاڵەوانی ئیسپانیا دۆڕا.
هەرچی ئاتلێتیک بلباوە کە لە پێنج یاری رابردوودا چوار بردنەوەی بەدەستهێناوە میوانداری یانەی کۆردۆبا دەکات و بەرەبەیانی سبەی یەکشەممەش دیپۆرتیڤۆ لاکۆرۆنیا و مالەگە بەیەکدەگەن.
خشتە و کاتی یارییەکانی ئەمڕۆی خولی ئیسپانیا بەم شێوەیەیە:
ئیلچ - ئاتلێتیکۆ مەدرید 18:00
ئاتلێتیک بلباو - کۆردۆبا 20:00
ریال مەدرید - سێلتاڤیگۆ 22:00
دیپۆرتیڤۆ لاکۆرۆنیا - مالەگە 0:00