ئیبراهیمۆڤیچ خۆی بە شێر بەراورد دەکات

سامان وڵاتژێری

رووداو - هەولێر

زلاتان ئیبراهیمۆڤیچ، بەتەواوی لە چاکبوونەوەی نەخۆشییەکەی نزیکبووەتەوە و بۆ دێربی میلانۆ ئامادەدەبێت.

ئیبراهیمۆڤیچ لە یاری رابردووی میلاندا بەرامبەر هێلاس ڤیرۆنا یاریی نەکرد، بەهۆی ئەوەی تووشی ڤایرۆس ببوو، بەو هۆیەوە یاریزانەکە لە یاریگەکان دوورکەوتەوە.

ئیبرا بەشێوەیەکی باش و بەتەنیا لەنێو هۆڵی وەرزشیدا راهێنان دەکات، بەڵام دوێنێ بەشداریی لە مەشقە بە کۆمەڵەکانی یانەکەدا نەکرد.

سوڵتان ڤیدیۆیەکی لە تویتەر بڵاوکردووەتەوە و نووسیوویەتی، شێر وەک مرۆڤ نییە و خۆی بە شێر بەراورد دەکات.

رۆژی یەکشەممەی داهاتوو، لە یاریی دێربی میلانۆدا یانەی میلان لە جۆزێپی میازا، بەرامبەر یانەی ئینتەرمیلان یارییدەکات.