ئایندهۆڤن جێگەی خۆی لە پێشەنگی خولی هۆڵەندا بەهێزترکرد
رووداو - هەولێر
یانەی ئایندهۆڤن جێگەی خۆی لە پێشەنگی خولی ئێردیڤیسی هۆڵەندا بەهێزترکرد، دوای ئەوەی بە زەحمەت لە یانەی سپارتا رۆتێردامی بردەوە.
لەگەڕی 14ی خولەکەدا ئایندهۆڤن لەنێو یاریگە و هاندەرانی میوانداریی رۆتێردامی کرد و یارییەکەی بە زەحمەت و بە گۆڵێکی بێبەرامبەر بردەوە.
دوای ئەوەی گێمی یەکەم بەیەکسانبوون بەبێ گۆڵ کۆتاییهات، لەگێمی دووەمدا لە خولەکی 52 لوک دی یۆنگ گۆڵێکی بۆ ئایندهۆڤن تۆمارکرد و یارییەکە بەو گۆڵە کۆتاییهات و یانەکە بووە خاوەنی 39 خاڵ لە پێشەنگی ریزبەندی خولەکە و سپارتا رۆتێردامیش لە پلەی پازدەیەم خاوەنی 11 خاڵە.