ڤیدیۆ؛ میلانۆ سەرکەوتنی بەدەستهێنا

 

گەڕی 22ـی یۆرۆلیگە و میلانۆی ئیتاڵی میوانداری باسکۆنیا ئیسپانی کردووە، ئیتاڵییەکان تێیدا ئاستێکی بەرزیان پێشکەش کرد و بەشێوەیەکی چاوەڕواننەکراو شکستیان بە یانە ئیسپانییەکە هێنا.

 

میلانۆ دوای چەندینجار پێشکەوتن و دواکەوتنەوە لە ئەنجامەکە، لە کۆتاییدا توانی بە ئەنجامی 89-83 خاڵ یارییەکە لە بەرژەوەندی خۆیدا کۆتایی پێبهێنێت.

 

میلانۆ کە ئەمە سەرکەوتنی شەشەمی بوو لەم وەرزەدا، توانی خۆی لە پلەی کۆتایی ریزبەندیی رزگاربکات، لە کاتێکدا باسکۆنیا چووە پلەی حەوتەم، کە پێش تەنیا چەند هەفتەیەک پێشەنگی ریزبەندییەکەی گرتبوو.