ئەمێریکراسی - سەپرایزی ئۆکتۆبەر

ئەمێریکراسی شۆیەکی گفتوگۆ ئامێزە لەنێوان چوار رۆژنامەڤانی رووداو، کە لە گۆشەنیگای جیاوازەوە و بە ئەزموونی خۆیانەوە هەوڵدەدەن روونیبکەنەوە، ئەوەی ئێستا لە ئەمریکا روودەدات چییە .
 
لە بەرنامەی ئەمجارەدا رۆژنامەڤانانی رووداو باسی بابەتێک دەکەن کە لەناو هەڵبژاردنەکانی ئەمریکادا بە (سەپرایزی ئۆکتۆبەر) ناسراوە.
 
بەو پێیەی بەردەوام هەڵبژاردنەکانی سەرۆکایەتیی ئەمریکا لە مانگی ١١ دا بەڕێوەدەچن سەپڕایزی ئۆکتۆبەر بە رووداوێک دەگوترێت کە دێتە پێشەوە و پێشبینی راپرسییەکان و رای دەنگدەری ئەمریکیش دەگۆڕێت لەسەر بەربژێرەکان و ئەمەش زۆرجار کاریگەری لەسەر ئەنجامی هەڵبژاردنەکانیش هەبووە، زۆربەی ئەمریکییەکان لەسەر ئەوە کۆکن کە سەپرایزی ئۆکتۆبەر دەگەڕێتەوە بۆ سەردەمی جیمی کارتەر و رۆناڵد ریگن.
لەبەرنامەکەدا رۆژنامەڤانانی رووداو زیاتر سەپڕایزی ئۆکتۆبەر رووندەکەنەوە و باسی ئەو پێشبینیانەش دەکەن کە دەکرێت لەو چەند رۆژە کەمەی ماوە لە مانگی ئۆکتۆبەر ببنە ئەو سەپڕایزە.
 
هێمن عەبدوڵڵا و رێباز عەلی، نامۆ عەبدوڵڵا و دیار کوردە بەرنامەکە پێشکێش دەکەن.