هاکان فیدان سەردانی میسر دەکات

 

 

هاکان فیدان، وەزیری دەرەوەی تورکیا رۆژی پێنجشەممە 12ی تشرینی یەکەمی 2023 رایگەیاند، لەسەر بانگهێشتی وەزیری دەرەوەی میسر رۆژی هەینی سەردانی ئەو وڵاتە دەکات.

 

لە بەیاننامەیەکیشدا کە وەزارەتی دەرەوەی میسر بڵاویکردووەتەوە، ئاماژە بەوە دراوە، "هاکان فیدان، وەزیری دەرەوەی تورکیا لەسەر بانگهێشتی سەمیح شوکری، وەزیری دەرەوەی میسر سەردانی وڵاتەکەمان دەکات، رۆژانی 13 - 14ی تشرینی یەکەم لە میسر دەبێت."

 

بەگوێرەی بەیاننامەکە، لە پەراوێزی کۆبوونەوەکاندا پەیوەندییەکانی نێوان تورکیا و میسر تاوتوێ دەکرێن و بیروڕا لەبارەی پێشهاتەکانی ئێستای ناوچەکە و پرسە نێودەوڵەتییەکان ئاڵوگۆڕ دەکرێن.