پەیامێک لە ئەحمەد شەرعەوە بۆ کورد: لە ئەمڕۆوە هیچ ستەمێکتان لێناکرێت

 

ئەمڕۆ شەممە، 14.12.2024، رۆژنامەڤانێک لە ڤیدیۆیەکدا لەبارەی کوردەوە پرسیار لە ئەحمەد شەرع دەکات و دەڵێت: "بەڕێز ئەحمەد شەرع، چی دەڵێیت و پەیامت چییە بۆ سوورییەکان، بۆ کورد و هاوبەشانی نیشتمانیی سووریا؟"

 

ئەحمەد شەرع لە وەڵامدا دەڵێت: "کورد بەشێکن لە نیشتمان، وەکو ئێمە ستەمێکی زۆریان لێکراوە، لە سووریای داهاتوودا هاوبەشی سەرەکی دەبن و لە ئەمڕۆ بەدواوە هیچ ستەمێکیان لێ ناکرێت."

 

ئەحمەد شەرع دەڵێت: "سوپاس بۆ خوا بە لادانی رژێم ئەو ستەمە نەما کە لێمان دەکرا، پشت بەخوا، سووریای داهاتوو کورد تێیدا هاوبەشی سەرەکیی دەبێت، لە ئەمڕۆ بەدواوە دەروازەیەک و مێژوویەکی نوێ لە سووریا دەستپێدەکات."

 

ئەو رۆژنامەڤانە لەبارەی ئاوارەکانی عەفرینەوە پرسیار لە ئەحمەد شەرع دەکات، ئەویش لە وەڵامدا دەڵێت: "هەوڵدەدەین ئاوارەکان عەفرین بگەڕێنەوە."