دانیشتووانی زێدی ئەسەد دڵخۆشن بە رووخانی دەسەڵاتەکەی

 

نەسرین عەلی، خەڵکی شارۆچکەکەیە، دەڵێت، بنەماڵەی ئەسەد خاوەنی هەموو شتێک بوون و "ئێمەش تەنیا بەناو خەڵکی قەرداحە بووین. خەڵک ئێمەی بە بەشێک لە بنەماڵەی ئەسەد دەبینی، لەکاتێکدا هیچ نەبووین." 

 

بەگوێرەی بانکی جیهانی، 69٪ی سووریاییەکان هەژارن، بەڵام بنەماڵەی ئەسەد خاوەنی دەیان ماڵ و باڵەخانەی جوان بوون لە وڵاتدا، ئەمە جگە لە چەندانی دیکە لە وڵاتانی ئەورووپا و ئەمریکا. بەگوێرەی بازرگانێکی سووریاییش، بەهای سامانی بنەماڵەکەی ئەسەد پێنج ملیار بۆ 10 ملیار دۆلار بووە. 

 

ئیبتسام کەعب، هاووڵاتییەکی دیکەی شارۆچکەکەیە و دەڵێ، "دەچەوسێندراینەوە و نەماندەتوانی قسە بکەین. هەر کاتێک قسەمانکردبا، بە ئازاردانی خۆمان و منداڵەکانمان دەیانترساندین. ناتوانم زیاتر بڵێم و زۆر ماندووم." 

 

بە گوێرەی میدیای بەریتانیا، ئەسەد 18 باڵەخانەی لە مۆسکۆ هەیە و بەشێکی سەروەتەکەشی لەگەڵ خۆی بردووەتە ئەو شارە بۆ ئەوەی لەگەڵ خێزانەکەی لە ژیانە شاهانەییەکەیان بەردەوام بن، خەڵکی سووریاشیان لەنێو گێژاوێکدا جێهێشت.