هەسەدە و هەتەشە لەسەر دوو گەڕەکە کوردنشینەکەی حەلەب رێککەوتوون؟

 

رۆژی سێشەممە، 03-12-2024، سەرچاوەیەک لە گرووپە چەکدارەکانی دەستەی تەحریری شام (هەتەشە) بە تۆڕی میدیایی رووداوی گوت: "بە گوێرەی رێککەوتنەکە، شەڕڤانانی هێزەکانی سووریای دیموکرات (هەسەدە) و ژمارەیەک لە خێزانەکانیان لە گەڕەکەکانی حەلەب دەچنە دەرەوە".

 

سەرچاوەکەی هەتەشە ئاماژەی بەوەشکرد: "نزیکەی 50 پاس بۆ شەڕڤانانی هەسەدە لە نێو حەلەب ئامادە کراون".

 

زۆرینەی دانیشتووانی گەڕەکەکانی شێخ مەقسوود و ئەشرەفییە لە حەلەب کوردن، پێشووتر لەو ناوچانە شەڕڤانانی هەسەدە دەسەڵاتدار بوون.

 

تاوەکو ئامادەکردنی ئەم هەواڵە، میدیای بەڕێوەبەرایەتیی خۆسەر و هەسەدە ئەوەیان پشتڕاست نەکردووەتەوە، کە شەڕڤانان حەلەب چۆڵ دەکەن.