سوودانى: هاوخەمى گەلى ئێران و بەرپرسانى ئەو وڵاتەین

 

محەممەد شیاع سوودانى لە پەیامێکدا راگەیاند "بە داخ و پەژارەیەکى زۆرەوە هەواڵى گیانلەدەستدانى ئیبراهیم رەئیسی، سەرۆککۆمارى ئێران و حوسێن ئەمیرعەبدوڵڵاهیان، وەزیرى دەرەوەمان پێگەیشت." 

 

سەرۆکوەزیرانى عێراق گوتى "سەرخۆشى لە عەلى خامنەیی، رێبەرى باڵاى شۆڕشى ئیسلامى ئێران و گەل و حکومەتى ئێران دەکەین." 

 

ئەمڕۆ 20ـی ئایار بەرپرسانى کۆمارى ئیسلامیى ئێران گیانلەدەستدانى ئیبراهیم رەئیسى و حوسێن ئەمیرعەبدوڵڵاهیان و حەوت سەرنیشینى دیکەى ئەو  هێلیکۆپتەرەیان راگەیاند کە 19ـى ئایار تێکشکا. 

 

محەممەد شیاع سوودانى گوتى "هاوخەمى گەلى ئێران و بەرپرسانى ئەو وڵاتەین بەهۆى ئەو رووداوە بە ئازارە."

 

هێلیکۆپتەرەکەى سەرۆککۆمار لە کاتى گەڕانەوەى لە ئازەربایجانەوە بەرە و شارى تەورێز تێکشکا؛ دواى زیاتر لە 16 کاژێر گەڕانى تیمەکان، توانیان بگەنە شوێنى تێکشکانى هێلیکۆپتەرەکە.