لە چوار پارێزگای عێراق بەهۆی بارانبارینەوە پشوو راگەیێندرا

 

هەریەک لەو پارێزگایانە لەڕێگەی راگەیێندراوی فەرمیی پارێزگاوە پشووی فەرمییان بۆ دەوامی سبەی (پێنجشەممە، 16-11-2023) راگەیاندووە.

 

لە سەرجەم پارێزگاکان وەک لە راگەیێندراوەکانیاندا هاتووە، پشووەکە بۆ ئەو قوتابییانە نییە، کە تاقیکردنەوەی دەوری سێیەمیان هەیە. پشووەکە هەروەها فەرمانگە خزمەتگوزاری، ئەمنی و تەندروستییەکان ناگرێتەوە.

 

دەستەی کەشناسیی عێراق ئەمڕۆ رایگەیاند پێشبینی دەکەن لە سەرانسەری وڵات لە رۆژانی داهاتوودا بارانی مامناوەند بۆ بارانی بەخوڕ ببارێت و، لە هەندێک شوێندا هەورەبرووسکەشی لەگەڵدا بێت.