رووداو دیجیتاڵ
بەرپرسێکی ئەمنیی عێراق و سێ لە پاسەوانەکانی لە رووداوێکی هاتووچۆ دا گیانیان لەدەستدا.
محەممەد کینانی، گوتەبێژی تەندروستیی پارێزگای میسان، ئەمڕۆ پێنجشەممە، 13-03-2025، بە تۆڕی میدیایی رووداوی راگەیاند، عەمید جەعفەر فاخیر موسەوی، بەڕێوەبەری بەشی کاروباری هۆزەکانی میسان، ئۆتۆمبێڵەکەی وەرگەڕا و بەهۆیەوە خۆی و سێ پاسەوانی گیانیان لەدەستدا.
ئۆتۆمبێلەکە لە جۆری لاندگروزەرە. بەرەبەیانی ئەمڕۆ لە نزیک بازگەی عەلی غەرەبی لەسەر رێگەی سەرەکیی نێوان قەزای عەلی غەرەبی-عەممارە لەنزیک گوندی روەیشد روویداوە.
وەزارەتی ناوخۆی عێراق پەیامێکی سەرەخۆشی بڵاوکردووەتەوە و دەڵێت، "بە خەم و پەژارەیەکی زۆرەوە هەواڵی گیانلەدەستدانی جەعفەر هاتوو فاخیر موسەوی، بەڕێوەبەری کاروباری هۆزەکان لە پارێزگای میسان و سێ لە پاسەوانەکانیمان پێگەیشت، کە لە رووداوێکی داهاتووچۆدا لە قەزای عەلی غەرەبی لە پارێزگای میسان گیانیان لەدەستداوە".
ساڵی 2013، نزیکەی 12 هەزار رووداوی هاتووچۆ و تاوەکو ناوەڕاستی 2024 نزیکەی 3000 هەزار رووداوی هاتووچۆ روویانداوە. بە گوتەی فازل غەراوی، سەرۆکی سەنتەری ستراتیژی بۆ مافەکانی مرۆڤ، لە رووداوەکانی هاتووچۆدا عێراق ئاستی جیهاندا لە پلەی 37 دێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ