لە تکریت 25 کەس بەهۆی نارنجۆکی فرمێسکڕێژەوە تووشی هەناسەتەنگی بوون

 

رۆژی پێنجشەممە، 09-01-2025، لە رۆژی پۆلیسی عێراق دا لە شاری تکریت-ی ناوەندی پارێزگای سەلاحەدین نمایشێکی پۆلیسی رێکخرا.

 

لەکاتی نمایشەکە نارنجۆکێکی فرمێسکڕێژ تەقێندرا. بەهێزی دووکەڵ و تیژییەکەی کاریگەری کردە سەر ئامادەبووان. بەهۆیەوە نزیکەی 25 کەس تووشی هەناسەتەنگی و چاوکزانەوە بوون.

 

دکتۆر محەممەد سەباح، بەڕێوەبەری نەخۆشخانەی فێرکاریی تکریت بە تۆڕی میدیایی رووداوی راگەیاند، بەهۆی رووداوەکە 10 کەس گەیێندراونەتە نەخۆشخانە.

 

دکتۆر محەممەد سەباح دەڵێت، سەرجەمیان چارەسەریان وەرگرتووە و تەندروستییان جێگیرە. یەکێکیان کاوە شێخانی، راوێژکاری پارێزگاری سەلاحەدینە. سەرجەمیان نەخۆشخانەیان بەجێهێشت.