رووداو دیجیتاڵ
وەزیری ناوخۆی ئێران دەڵێت، لە ئەنجامی پێکدادانی یەکەیەکی پۆلیس و "تۆڕێکی تیرۆریستی" لە پارێزگای سیستان و بەلووچستان، 10 ئەندامی هێزەکەی پۆلیس کوژراون.
ئەمڕۆ شەممە، 26ـی تشرینی یەکەم، ئەسکەندەر موئمینی، وەزیری ناوخۆی ئێران رایگەیاند، لە سنووری شاری تەفتانی پارێزگای سیستان و بەلووچستان هێرشکرایە سەر یەکەیەکی پۆلیس و لە ئەنجامدا 10 کەس لە هێزەکانی پۆلیس کوژران.
بەرپرسێکی پۆلیسی سیستان و بەلووچستانیش دەڵێت، هێزێکی چەکدار لە گەوهەرکێوی شاری تەفتانی پارێزگاکە هێرشەکەیان کردوەتە سەر یەکەیەکی پۆلیس و لە ئەنجامدا 5 کەس لە هێزەکانی پۆلیس دەستبەجێ کوژراون و 5 کەسی دیکەش دوای گەیاندنیان بە نەخۆشخانە بەهۆی سەختیی برینەوە گیانیان لە دەستداوە.
جەیشولعەدل، گرووپێکی چەکداریی بەلووچەکانە، لە راگەیێندراوێکدا بەرپرسیارێتیی هێرشەکەی لە ئەستۆ گرت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ