ژمارەی ئەو حاجییانەی هەرێمی کوردستان لە سعودیە گیانیان لەدەستداوە گەیشتە 10 کەس

 

ئەمڕۆ دووشەممە، 17-06-2024، رۆژگار جەعفەر، بەرپرسی راگەیاندنی شاندی حاجییانی هەرێمی کوردستان بە تۆڕی میدیایی رووداوی گوت، لە کاتی دەستپێکردنی ئەرکە سەرەکییەکانی حەجکردن کە لە شەممەی رابردووەوە دەستیپێکردووە، 10 هاونیشتمانیی کە بۆ حەج لە سعودیە بوون گیانیان لەدەستداوە.

 

رۆژگار جەعفەر گوتی، هەر 10 حاجییەکە خەڵکی هەرێمی کوردستانن. گوتیشی: "لەو ژمارەیە یەک حاجییان لەرێگەی بەڕێوەبەرایەتیی حەج و عومرەوە بە فەرمی هاتووەتە سعودیە و ئەوانی دیکە بە ڤیزەی یەک ساڵیی لە حەج بوون."

 

ئەو هاونیشتمانییەی ئەمڕۆ گیانی لەدەستدا ناوی عەبدولحەمید رەحیم عەبدولکەریمە و لەدایکبووی 08-09-1957ـە. 

 

 

- عەبدولحەمید رەحیم عەبدولکەریم

- زینەت رەشید قادر 

- رازیە عەلی

- ئاسیا عەلی

- حەمە حەسەن عەبدوڵڵا

- هەمین قادر

- ئەحمەد باڵەکی

 

ئەم ساڵ 4685 هاونیشتمانی بۆ حەجکردن چوونەتە سعودیە؛ لەو ژمارەیە 1460 کەسیان بە رێگەی وشکانی رۆشتوون.

 

رۆژگار جەعفەر گوتیشی لە 20ـی ئەم مانگەوە دەست بە گەڕاندنەوەی ئەو حاجییانە دەکرێت کە لە رێگەی وشکانییەوە رۆیشتوون.

 

لە حەجی ساڵی 2023ـدا چوار هەزار و 685 هاونیشتمانی بۆ بەجێگەیاندنی فەریزەی حەج چوونە مەککە کە 720ـیان بە رێگەی وشکانی و ئەوانی دیکە بە رێگەی ئاسمانی چوون.