لە شوێنی ئێکسپۆ 2020 لە دوبەی شارێكی سەردەمیانە دروستدەکرێت

 

 

گوومەزی وەسڵ یەکێکە لە سەرنجڕاکێشترین شاکارەکانی ئێکسپۆ 2020 و بە رووناکیی رەنگاوڕەنگ بەدەوری خۆیدا دەخولێتەوە. لە پێشانگەکەدا بۆ کار و چالاکیی هونەری و کولتووری بەکاردەهێندرا، بەڵام پێشانگەکە کۆتاییهات کە ساڵێک لەمەوبەر کرابوویەوە.

 

بەرپرسانی دوبەی لە مانگی حوزەیران رایانگەیاندبوو، شوێنی ئێکسپۆ 2020 دەگۆڕدرێت بۆ شارێک بەناوی شاری ئێکسپۆ. شارە نوێیەکە هیچ ئۆتۆمبێلێکی تێدا نابێت؛ دانیشتووانەکەی بە پیادە یان لەڕێگەی پاسکیل هاتووچۆ دەکەن. ئەمەش بەشێک دەبێت لە پلانێکی 20 ساڵەی گەشەپێدانی دوبەی.

 

بەگوێرەی ئامارە فەرمییەکانی ئیمارات، لە ماوەی 182 رۆژی کردنەوەیدا، 24 ملیۆن گەشتیار سەردانی پێشانگەی ئێسکپۆ 2020یان کرد وێڕای ئەوەی کە بەهۆی پەتای کۆرۆنا، کردنەوەی پێشانگە جیهانییەکە بۆ ماوەی ساڵێک دواکەوت.