کەشناسێک: سەرەتای مانگی داهاتوو شەپۆلێکی بارانبارین هەرێمی کوردستان دەگرێتەوە

 

 

لەبارەی کەشوهەوای ئەمڕۆ شەممە 28ی ئەیلوولی 2024، کەشناسیی هەرێمی کوردستان رایگەیاند، "ئاسمان ساماڵ دەبێت، خێرایی با چالاک دەبێت و بەراورد بە دوێنێ پلەی گەرما 3 - 1 پلە دادەبەزێت."

 

هەروەها محەممەد کەمال، شارەزای کەشناسی بە تۆڕی میدیایی رووداوی گوت، "لە ئەمڕۆوە تاوەکو 3ی تشرینی یەکەم، پلەی گەرما تاوەکو 5 پلە دادەبەزێت، بەپێی پێشبینییەکان، لە سەرەتای مانگی داهاتوو شەپۆلێکی بارانبارین هەرێمی کوردستان دەگرێتەوە، بە تایبەتی سلێمانی، گەرمیان، هەڵەبجە و ئیدارەی سەربەخۆی راپەڕین."

 

کەشناسیی هەرێمی کوردستان دەڵێت، سبەی یەکشەممە 29ی ئەیلوولی 2024، "ئاسمان ساماڵ دەبێت، پلەی گەرما نزم دەبێتەوە و ئەگەر هەیە خێرایی با چالاک بێت بۆ سەرووی 35 کیلۆمەتر لە کاژێرێکدا، بەتایبەتی لە پارێزگای سلێمانی و کەرکووک و گەرمیان."

 

 

هەولێر: 33 پلەی سیلیزی

سلێمانی: 31 پلەی سیلیزی

دهۆک: 32 پلەی سیلیزی

کەرکوک: 36 پلەی سیلیزی

هەڵەبجە: 34 پلەی سیلیزی

زاخۆ: 33 پلەی سیلیزی

سۆران: 31 پلەی سیلیزی

حاجی ئۆمەران: 18 پلەی سیلیزی

گەرمیان: 38 پلەی سیلیزی