لە هەولێر ئاگر لە ماڵێک کەوتەوە و ژنێک گیانی لەدەستدا

 

 

رووداوەکە پێش نیوەڕۆی ئەمڕۆ یەکشەممە، 28-04-2024 روویدا؛ ئەو ژنەی گیانی لەدەستداوە تەمەنی 22 ساڵە.

 

بەگوێرەی زانیارییەکانی رووداو، هاوژینی ئەو ژنە کارمەندی بەرگریی شارستانیی هەولێرە و لەکاتی رووداوەکەدا لە ماڵەوە نەبووە.

 

پۆلیسی هەرێمی کوردستان تاوەکو ئەمڕۆ ئاماری رووداوەکانی سووتانی ساڵی رابردووی بڵاونەکردووەتەوە.

 

بەگوێرەی ئاماری پۆلیس، لە ساڵی 2022دا "بەهۆی سووتانەوە 207 کەس بوونەتە قوربانی و 86 کەس خۆیان سووتاندووە".