کەشناسی: لە هەولێر رەشەبا دەبێت و لە چەند شوێنێکیش باران دەبارێت

 

 

لەبارەی کەشوهەوای سبەی دووشەممەوە کەشناسی دەڵێت، "ئێوارە ئاسمان دەبێتە نیمچە هەور و شەو لە درەنگدا نمەباران لە بەشێکی ناوچە شاخاوییەکان دەبارێت."

 

ئاراس جەبار، شارەزای کەشناسیی ئەمڕۆ یەکشەممە بە تۆڕی میدیایی رووداوی گوت، "سبەی لە ئێوارەدا لە ئیدارەی گەرمیان و سنووری پارێزگای کەرکووک ئەگەری تاوە بارانی رێژە مامناوەند و چالاکبوونی ھەورە برووسکە دەبێت. لە شەویشدا لە ناوچەکانی دیکەی ھەرێمی کوردستان لە کات و شوێنی جیاجیادا ئەگەری نمەباران هەیە."

 

هۆشداری لە شەپۆلێکی بەهێزی بارانبارین لە هەرێمی کوردستان دراوە لە سەرەتای مانگی داهاتوودا. ئاراس جەبار دەڵێت، "کاریگەریی شەپۆلەکە سبەی بە لاوازییەکی زۆر دەستپێدەکات؛ سێشەممەش هەر لاواز دەبێت و لە چوارشەممەوە کاریگەریی دەردەکەوێت."

 

ئەو کەشناسە گوتی، لە تەواوی هەرێمی کوردستان بۆ ماوەی چەند رۆژێک بارانی "باش" دەبارێت. ئاماژەی بەوەش کرد، شەپۆلەکە لە سلێمانی و هەڵەبجە کاریگەریی زیاتر دەبێت بەراورد بە هەولێر و دهۆک.

 

 

هەولێر: 35 پلەی سیلیزی

سلێمانی: 34 پلەی سیلیزی

دهۆک: 35 پلەی سیلیزی

زاخۆ: 36 پلەی سیلیزی

هەڵەبجە: 35 پلەی سیلیزی

کەرکووک: 39 پلەی سیلیزی

سۆران: 33 پلەی سیلیزی

حاجی ئۆمەران: 22 پلەی سیلیزی

گەرمیان: 40 پلەی سیلیزی