ئەمیندارى گشتیى وەزارەتى دەرەوەى قەتەر: کردنەوەى کۆنسوڵخانە لە هەولێر سەرکەوتنە لە پەیوەندیى دوو قۆڵیدا

 

ئەمیندارى گشتیى وەزارەتى دەرەوەى قەتەر گوتى: "لە دوو رۆژى رابردوودا لەگەڵ سەرۆک مەسعود بارزانى، سەرۆکى هەرێمى کوردستان و سەرۆکوەزیران کۆبوومەوە، باسمان لە بەشداری لە شێوازى هاریکارى سەرجەم بوارەکان کرد، لەوانە سیاسى، وەبەرهێنان، ئابوورى، کەرتى نەوت و گاز، کشتوکاڵ، گەشتیارى، وەرزشی و بوارى دیکە. لەگەڵ وەبەرهێنەرانى قەتەر و هەرێمى کوردستان بەدواداچوون دەکەین."

 

ئەحمەد حەسەن حەمادى رایگەیاند، ئامانجیان بۆ ئەنجامى ئەو پڕۆژانەى وەبەرهێنان، بووژاندنەوە ئابووری و دروستکردنى بازاڕى ئابووریى جێگرەوەیە لە هەرێمى کوردستان و عێراق، هەروەها رەخساندنى هەلی کار بۆ هەزاران گەنجى عێراق و کورد.

 

حوسێن بن عەلى فەزالە، وەک کۆنسوڵى قەتەر لە هەرێمى کوردستان دەستبەکار دەبێت.