ئەروا دەیمن: شیفا گەردی باوەڕی قووڵی بە بڵاوکردنەوەی هەواڵ و زانیاریی راست هەبوو

 

شیفا گەردی، پێشكێشكاری تۆڕی میدیایی رووداو، رۆژی 25ـی شوباتی 2017 لەكاتی ئامادەكردنی راپۆرتێك بۆ بەرنامەكەی (فۆكەس موسڵ) سەبارەت شوێنی كۆمەڵكوژییەكی داعش لە شاری موسڵ، لە ئەنجامی تەقینەوەی بۆمبێكی داعش دا گیانی لەدەستدا.

 

ئەمڕۆ هەینی، 25-2-2022 كۆمیتەی خەڵاتی ساڵانەی شیفا گەردی لە راگەیێندراوێکدا ئاماژەی بەوە کرد کە "ئەمساڵ كۆمیتەكەمان رۆژنامەڤانێكی ژنی لە تەلەڤزیۆنی بی بی سی هەڵبژاردووە كە چەندین ساڵە رەنجێكی زۆری كێشاوە لەپێناو ئاشكراكردنی راستییەكان و گەیاندنی زانیارییەكان. ئەو بەدرێژایی شەڕ و ئاڵۆزییەكانی ساڵی رابردوو و ئەمساڵ چیرۆكە مرۆییەكانی خەڵكی ئەفغانستانی دەگواستەوە، ئێستاش رووماڵی شەڕی رووسیا و ئۆكراینا دەكات." ئەو ژنە رۆژنامەڤانەش لیس دووسێت، رۆژنامەڤانی کەنەدییە کە لە بی بی سی کاردەکات. 

 

 

سڵاو لە هەمووتان 

 

هیوادارم ئێوارەیەکی خۆشتان هەبێت، تاوەکو ئەو رادەیەی بۆتان بکرێت. بەختەوەرم کە وەک کەسێک کە خەڵاتی شیفا گەردی وەرگرتووە، دەتوانم هەر ئەوەندە بڵێم کە سەرسامی و رێزی خۆم دەنێرم بۆ ئەو کەسانەی کە پشتگیری ئەم خەڵاتە دەکەن و پشتگیری ئەو رێبازە دەکەن کە شیفا هەوڵی بۆ دەدا کە ئەویش باوەڕی قووڵی بوو بە بەردەوامبوونی بڵاوکردنەوەی هەواڵ و زانیاری راست و، هەوڵدان بۆ نیشاندانی ئەوانەی بەرپرسیارن لە ئەنجامدانی کارەساتی مرۆیی لە هەموو جیهان و لێپرسینەوەیان.

 

هیچ کات هێندەی ئێستا رۆڵی رۆژنامەڤانان لە جیهان گرنگ نەبووە. ئێمە رووبەڕووی کاتێکی زۆر پێشبینینەکراو بووینەتەوە لە هەموو جیهان. ئەوە لە ئەفغانستانەوە تاوەکو دەگاتە عێراق و سووریا. ئێستا وەک دەیبینین کە چ روودەدات لە ئۆکراینا.

 

ئێمە ناتوانین رێگە بدەین کە رۆژنامەڤانی ون ببێت لەنێو ئەو هەموو هەرایەی لە دەرەوە هەیە. ئێمە دەبێ بە هەموومان هەوڵبدەین و یارمەتیدەری یەکتربین بۆ ئەوەی دەنگمان بەهێز بکەین، دەنگی رۆژنامەڤانی، دەنگی رۆژنامەڤان، دەنگی ئەو خەڵکانەی لەو شوێنانەن کە لێیان قەوماوە. 

 

دووبارە زۆر سوپاستان دەکەم.

 

هەروەها پیرۆزبایی لە براوەی خەڵاتی شیفا گەردی ئەمساڵ دەکەم کە خانمێکە زۆر پێی سەرسامم، (لیس دووسێت)ـی بی بی سی.