بوومەلەرزەیەکی دیکە بەگوڕی 5.1 پلە خەرپێتی باکووری کوردستانی هەژاند
بۆ سێیەم جار، بوومەلەرزە لە پارێزگای خەرپێتی باکووری کوردستان روویدایەوە و بوومەلەرزەیەکی دیکە بەگوڕی 5.1 پلە بە پێوەری رێختەر ئەو پارێزگایەی هەژاند.
لە ماوەی 24 کاژێری رابردوودا ئەمە سێیەمین بوومەلەرزەیە، بەهۆی بوومەلەرزەکانیشەوە تاوەکو ئێستا لانیکەم 29 کەس گیانیان لەدەستداوە، زیاتر لە 40 کەس لەژێر داروپەردوو رزگارکراون و زیاتر لە هەزار کەسیش برینداربوون؛ بوومەلەرزەکان زیانی ماددی بەدوای خۆیدا هێناوە.