لە رووداوێکی هاتووچۆدا لە چەمچەماڵ دوو کەس گیانیان لەدەستدا

 

شەریف رەحیم، جێگری بەرێوەبەری تەندروستیی چەمچەماڵ گوتی، رووداوەکە کەمێک لەمەوبەر روویداوە. دوو هاونیشتمانییەکە بەر لەوەی بگەیێندرێنە نەخۆشخانە گیانیان لەدەستداوە.  

 

بەگوێرەی گوتەی شەریف رەحیم، یەکێک لە هاونیشتمانییەکان لەدایکبووی ساڵی 1987 و یەکێکی دیکەیان لەدایکبووی 1986ـە.  

 

جێگری بەڕێوەبەری تەندروستیی چەمچەماڵ دەشڵێت، دوای پشکنینە پزیشکییەکان تەرمەکان رادەستی هۆبەی توێکاری دادپزیشکی چەمچەماڵ کراوەتەوە. 

 

بەگوێرەی زانیارییەکانی رووداو، پیاوەکە باوکی چوار منداڵ بووە و کچەکەش ژیانی هاوژینی پێکنەهێناوە.