لەبەر نەبوونی دەفتەر 20 رۆژە نوێکردنەوە و دەرهێنانی پاسپۆرت راگیراوە

 

ئەمڕۆ سێشەممە، 24-01-2023، لیوا هێرش ئەحمەد، بەڕێوەبەری گشتیی رەگەزنامە و پاسپۆرت و نشینگەی هەرێمی کوردستان بە تۆڕی میدیایی رووداوی راگەیاند، لەبەر نەبوونی "دەفتەری خام"، نوێکردنەوە و دەرهێنانی پاسپۆرت راگیراوە و گوتیشی: "مامەڵەی هاونیشتمانییان لە هەولێر و بەغداش رایی دەکرێن، بەڵام گەڕاندنەوەی پاسپۆرتەکە گرفتی بۆ دروستبووە".

 

لەبارەی ئەو کەسانەی کە نەخۆشن یان کارێکی تایبەت و زۆر پێویستیان هەیە، لیوا هێرش گوتی: "دەفتەری یەدەگمان بۆ ئەو کەسانە داناوە و بە خێرایی پاسپۆرتیان بۆ دەگەڕێتەوە".

 

نەبوونی دەفتەری خامی پاسپۆرت، نزیکەی 20 رۆژە کێشەی دروستکردووە، بە گوتەی بەڕێوەبەری گشتیی رەگەزنامە و پاسپۆرت و نشینگەی هەرێمی کوردستان "لەم رۆژانەدا چارەسەر دەکرێت".