لە دهۆک سێ ئامێری ATM شکێندران

ئەمڕۆ شەممە، 23ـی تشرینی دووەم، حەیدەر دۆسکی، پەیامنێری رووداو لە دهۆک رایگەیاند، "ئەمڕۆ بەیانی دوو ئامێری ATM لەلای فلکەی کۆڕەک لە پارێزگای دهۆک شکێندراون، هۆکارەکەشی دیار نییە."

 

ئەو شوێنەی ئامێرەکانی لێ شکێندراون، دەکەونە سەنتەری دهۆک. پەیامنێری رووداو دەڵێت، "سەڕای هەبوونی 6 کامێرای چاودێری لەو شوێنە، بەڵام تاوەکو ئێستا دیار نییە کێ و بۆ وایکردووە."

 

بە گوتەی پەیامنێری رووداو، "دوویان شاشەی سەرەوەیان بەشی خوێندنەوەی داتاکان هەمووی شکێندراوە و وردکراوە، بەڵام دانەیەکی دیکەش پلاستیکی لێوارەکانی شکێندراوە، نازاندرێت هەرسێکیان بەیەکەوە شکێندراون یاخود بەجیا."

 

لە کۆی شەش ئامێر، سێیان لەو شوێنە شکێندراون. پەیامنێری رووداو گوتی، "پەیوەندیمان بە تیمەکانی هەژماری من کردووە، بەڵام بێ وەڵام بوون، هێزە ئەمنییەکانیش هیچ روونکردنەوەیەکیان لەسەر ئەم بابەتە نەداوە."

 

لە سەنتەری شاری دهۆک 22 ئامێری ATMـی راکێشانی مووچە لە هەژماری من هەن.