سبەی پلەی گەرما دادەبەزێت؛ لە ناوچە شاخاوییەکان تاوەباران دەبێت

 

ئەمڕۆ (یەکشەممە، 26-06-2024) کەشناسیی هەرێمی کوردستان رایگەیاند، پلەی گەرمای ئەمڕۆ بەوارد بە دوێنێ "کەمێک" نزم بووەتەوە. گوتیشی سبەی پلەی گەرما دوو بۆ چوار پلەی دیکە دادەبەزێت.

 

محەممەد کەمال، شارەزای کەشناسی ئەمڕۆ بە رووداوی گوت، تاوەکو رۆژی سێشەممە بەراورد بە ئەمڕۆ پلەی گەرما پێنج پلە دادەبەزێت و لە چوارشەممە بەدواوە بە پلەبەندی پلەی گەرما بەرز دەبێتەوە.

 

محەممە کەمال گوتی، سبەی لە ناوچە شاخاوییەکانی پارێزگاکانی هەولێر و دهۆک تاوەباران و هەورەبرووسکە دەبێت. گوتیشی، سبەی خێرایی با لە کاژێرێکدا دەگاتە 25 کیلۆمەتر.

 

 

هەولێر: 40 پلەی سیلیزی

سلێمانی: 37 پلەی سیلیزی

دهۆک: 38 پلەی سیلیزی

کەرکووک: 45 پلەی سیلیزی

هەڵەبجە: 40 پلەی سیلیزی

زاخۆ: 40 پلەی سیلیزی

سۆران: 37 پلەی سیلیزی

حاجی ئۆمەران: 25 پلەی سیلیزی

گەرمیان: 45 پلەی سیلیزی