لە سلێمانی لە رووداوێکی تەقەکردندا دوو کەس بریندار دەبن
رووداو دیجیتاڵ
سەرچاوەیەکی ئەمنی بە رووداوی گوت، لە سلێمانی تەقە لە دوو کەس کراوە و بەهۆیەوە بریندار بوون.
بەپێی ئەو سەرچاوەیە، رووداوەکە لە لەژێر پردە تازەکەی نزیک ماڵی شێخ نەهرۆی کەسنەزانی روویداوە.
سەرچاوەکەی رووداو وردەکاریی رووداوەکەی بەم شێوەیە گێڕایەوە: لە ژێر پردەکەدا، ئۆتۆمبێلێک کە دوو کەسی تێدایە، دەست بەسەر ئۆتۆمبێلێکی جۆری کامریدا دەشکێنێتەوە. شۆفێری کامرییەکە کە بە تەنیا دەبێت، پێشیان لێدەگرێت و دادەبەزێت، دوو فیشەک بە رانی دوو کەسەکەوە دەنێت و هەڵدێت.
بەپێی زانیارییە سەرەتاییەکان، دوو بریندارەکان لە نەخۆشخانەن و چارەسەر وەردەگرن. هێزە ئەمنییەکان دەستیان بە لێکۆڵینەوە لە رووداوەکە کردووە.