ئەنجوومەنی وەزیران کۆدەبێتەوە و داهات و خەرجی تاوتوێ دەکات

 

حکومەتی هەرێمی کوردستان لە دەڵێت، ئەمڕۆ چوارشەممە 21ـی ئاب، بە سەرپەرشتیی مەسرور بارزانی، سەرۆکوەزیرانی هەرێمی کوردستان و ئامادەبوونی قوباد تاڵەبانی، جێگری سەرۆکوەزیران کۆبوونەوەکە بەڕێوەدەچێت.

 

لە کۆبوونەوەکەی ئەمڕۆی ئەنجوومەنی وەزیراندا چوار بڕگە تاوتوێ دەکرێن کە ئەمانەن:

 

- ئەنجامی لیژنەی وردبینیی هاوبەشی هەردوو دیوانی چاودێریی دارایی فیدراڵ و هەرێمی کوردستان بۆ سێ مانگی یەکەمی ساڵی 2024 لەبارەی داهات و خەرجی، میلاک و تۆماری بایۆمەتری، ژمارەی یەکگرتووی وەزیفی و خستنەڕووی کێشە و چارەسەر و راسپاردەکان.

 

- کارەکانی لیژنەی هاوبەشی نێوان حکومەتی هەرێمی کوردستان و حکومەتی فیدراڵی تایبەت بە یەکخستنی رێکارە داراییەکان بۆ یەکخستنی یاسا، پەیڕەو، رێنمایی و رێکارەکانی تایبەت بە دارایی گشتی و سیستمی کارپێکراوی ژمێریاری، کە ئێستا بەگوێرەی یاسای بەڕێوەبردنی دارایی فیدراڵیی ژمارە 6ی ساڵی 2019 لە عێراق رێکخراوە.

 

- هاوئاهەنگی کۆمیسیۆنی باڵای سەربەخۆی هەڵبژاردنەکانی عێراق و سەرۆکایەتیی هەرێمی کوردستان و حکومەتی هەرێمی کوردستان، سەبارەت بە ئەرک و رۆڵی وەزارەتەکان بۆ پێشکێشکردنی ئاسانکاریی لۆجیستی بۆ کۆمیسیۆن، لەپێناو سەرخستنی پڕۆسەی هەڵبژاردنی پەرلەمانی کوردستان لە تشرینی یەکەمی ئەم ساڵ.

 

- وەزیری بازرگانی و پیشەسازی راپۆرتێک لەبارەی پرۆسەی کڕین و وەرگرتنی گەنم لە جووتیارانی هەرێمی کوردستان و شایستە داراییەکانیان و بەبازاڕکردنی بەرهەمی گەنمی جووتیاران دەخاتەڕوو.