رووداو دیجیتاڵ
کەشناسیی هەرێمی کوردستان رایگەیاند، ئەمڕۆ لە پارێزگای سلێمانی نمەباران دەبارێت؛ لە نیوەڕۆدا لە پارێزگاکانی هەولێر و دهۆک تاوەباران دەبارێت و هەورەبرووسکەی لەگەڵ دەبێت، شەو کەشەکە جێگیر دەبێتەوە.
لەبارەی کەشوهەوای سبەینێ دووشەممەوە، کەشناسی دەڵێت، "ئاسمان پەڵەهەور و نیمچەهەور دەبێت. لەدوای نیوەڕۆ لە ناوچە شاخاوییە سنوورییەکانی رۆژهەڵاتی هەرێمی کوردستان نمەباران و تاوەباران دەبێت؛ لە شەودا کەشەکە سەقامگیر دەبێت."
ئاراس جەبار، شارەزای کەشناسی ئەمڕۆ بە تۆڕی میدیایی رووداوی گوت، بارانبارینی ئەمڕۆ بەهارە دەبێت و هەورە برووسکەی لەگەڵدا دەبێت.
ئەمڕۆ بەراورد بە دوێنێ، پلەی گەرما 3 بۆ 4 پلە دادەبەزێت. سبەی بەراورد بە ئەمڕۆ 2 بۆ 3 پلە بەرز دەبێتەوە.
ئاراس جەبار گوتی، لە هەینیی داهاتووەوە شەپۆلێکی گەرما هەرێمی کوردستان دەگرێتەوە و لە هەولێر پلەی گەرما دەگاتە 37 پلەی سیلیزی، لە سلێمانی، هەڵەبجە و دهۆک 35 پلەی سیلیزی، لە کەرکووک 39 پلەی سیلیزی و لە گەرمیانیش 40 پلەی سیلیزی تێدەپەڕێنێت.
بەگوێرەی کەشناسیی هەرێمی کوردستان، سبەی بەرزترین پلەی گەرما لە باشووری کوردستان بەمشێوەیە دەبێت:
هەولێر: 30 پلەی سیلیزی
سلێمانی: 29 پلەی سیلیزی
دهۆک: 29 پلەی سیلیزی
زاخۆ: 30 پلەی سیلیزی
هەڵەبجە: 30 پلەی سیلیزی
کەرکووک: 32 پلەی سیلیزی
سۆران: 26 پلەی سیلیزی
حاجی ئۆمەران: 17 پلەی سیلیزی
گەرمیان: 34 پلەی سیلیزی
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ