دوو هاونیشتمانیی خەڵکی رۆژئاوای کوردستان لە زێی گەورە خنکان

 

موقەدەم شاخەوان جاف، گوتەبێژی بەرگریی شارستانیی هەولێر بە تۆڕی میدیایی رووداوی راگەیاند، "ئەمڕۆ (شەممە، 19ـی تشرینی یەکەمی 2024)، کاژێر 02:20 ئاگادارکراينەوە لە خنکانی دوو هاونیشتمانیی خەڵکی رۆژئاوای کوردستان بەناوەکانی (ر. ع.) تەمەن 17 ساڵ و (ر. ئ.) تەمەن 16 ساڵ." 

 

گوتەبێژی بەرگریی شارستانیی هەولێر گوتی، "تيمی مەلەوانیی خەبات توانيان بە کەمتر لە کاژێرێک، هەردوو تەرمەکە بدۆزنەوە و دەریانبهێنن."